Saqqummersitaq pillugu
Saqqummersitaq sammisanut pingasunut immikkoortuligaavoq:
· Immikkoortumi siullermi nassuiarneqarput pingaarutilittut peqqutaagajuttut.
· Immikkoortup aappaa tabelilianik takusassiaavoq, tassani soqutiginnittut soorlu takusinnaassavaat Kalaallit Nunaanni illoqarfinni nunaqarfinnilu qalerallit, saarulliillu tunisaanerisa immikkoortitaarneri. Avataasiorluni aalisarnermi pisat tabelinut pingasunut takussutissiarineqarput (tabelit 2, 8 aamma 9), tassani takutinniarneqarput kalaallit kilisaataasa nunatta imartaani imartanilu allani pisaat nunallu allat kilisaataasa nunatta imartaani pisaat.
· Pingajuattut tabelilianik takussutissiaavoq (tabeli 11 aamma 12) aalisariutit kommunikkaarlugit kisitsisitai. Naggataagut tulaassat nalingisa decilinut (agguaqatigiissillugit qulerarterutikkaarlugit aggorlugit) agguataarneri (tabeli 13 aamma 14) aalisariutit angissusaat aallaavigalugit immikkoortitikkat.
Saqqummersitami matumani 2012-imiit 2015-imut aalisakkat tulaassat avataasiorlunilu aalisarluni pisat tamanut saqqummersinneqarput. Ilutigitillugu saqqummiunneqarput aalisakkanik tamanik qaleralinnillu tunisinermi aalisariutikkaartumik agguaqatigiissillugu decilit nalingi. Tamatuma saniatigut aammattaaq saqqummiunneqarput 2015-imi kisitsisit najoqquttaralugit aalisariutit amerlassutsinut, sumiissutsinut, pisoqaassutsinut, sananeqaatsinut il.il. agguarneri.
Nutaattut saqqummersinneqarpoq tabeli (takuuk tabeli 2) avataasiorluni aalisarnermiit kinguppannik, qaleralinnik saarullinnillu nunamut tulaassat. Siornatigut kisitsisit tamakku immikkut saqqummersinneqarnikuunngillat.